Fransk-ķslenska višskiptarįšiš (FRIS) endurvakiš

Ráðið , sem stofnað var 1990, var endurvakið á morgunfundi, þann 19 september. Í beinu framhaldi var málþing sem ráðið stóð fyrir um Evruna og framtíð hennar.  Fundurinn hófst á formlegri stofnun, eða raunar endurvakningu,  fransk-íslenska viðskiptairáðs að viðstöddum fjölda gesta, jafnt íslenskra sem franskra. Við setninguna var Vigdísi Finnbogadóttur, fyrrverandi forseta, veitt viðurkenning fyrir störf í þágu beggja landa og gerð að heiðursfélaga ráðsins við mikið lófaklapp gesta.

Össur Skaprhéðinsson ,utanríkisráðherra,  var fyrstur frummælenda og ræddi hann meðal annars nýútgefna skýrslu Seðlabanka Íslands.. Þar sagði hann auðvelt að lesa á milli línanna að evran væri skynsamlegasta framtíðarlausn Ísland. Össur stóðst að vanda ekki mátið og sló á rétta strengi þar sem hann sagðist hvorki geta talist ballet-dansari eða boxari við mat á slíkum möguleikum sem Íslandi standa til boða og lauk máli sínu með tilvitnun í boxarann Muhammed Ali.

Hann  sagðist hafa fulla trú á framtíð evrunnar. Hann sagði íslenska fjölmiðla gjarnan hafa eftir þeim enskumælandi að endarlok evrunnar væru nærri. Sjálfur hefði hann fulla trú á gjaldmiðlinum, og ábata Íslands af því að ganga inn í myntbandalagið, og benti meðal annars á sterka stöðu evrunnar miðað við dollar í ágústmánuði síðastliðnum.